Një operacion i madh policor në Prizren ka rezultuar në ndalimin e 109 personave, të dyshuar për manipulim të votave në Qendrën Komunale të Numërimit.
Hetimet janë përqendruar kryesisht në veprën penale të “Falsifikimit të rezultateve të votimit”, ndërsa një individ po hetohet edhe për “Kanosje”. Këto veprime dyshohet se janë kryer mes datave 29 dhjetor 2025 dhe 2 janar 2026.
Operacioni, i koduar “Manipulimi”, u krye më 23 janar 2026 nga Drejtoria për Hetimin e Krimeve Ekonomike dhe Korrupsionit, me mbështetjen e Njësisë Rajonale në Prizren dhe njësive të tjera policore, pas autorizimit nga Prokuroria Themelore e Prizrenit. Në këtë aksion morën pjesë 103 hetues, 25 zyrtarë policorë dhe 6 operatorë të NJSO-së, ndërsa janë konfiskuar 108 telefona mobil si prova.
Të dyshuarit, pas intervistimit në praninë e avokatëve, janë ndaluar për 48 orë me vendim të prokurorit kompetent. Hetimet janë ende në vijim dhe pritet ndërmarrja e veprimeve të mëtejshme.
Në cilësi dëshmitarësh janë intervistuar S. Vebic dhe E.
Musliu. Personat e ndaluar mbeten të pafajshëm deri në vendimin përfundimtar të gjykatës.
Leave a Reply