Një incident tragjik ndodhi sot pasdite në rrugën Ferizaj–Prishtinë, ku një punëtor ndërtimi humbi jetën pasi ra nga një lartësi.
Ngjarja ndodhi rreth orës 15:00, ndërsa viktima, Gazmend Ahmeti nga fshati Mihaliq i Vushtrrisë, ndërroi jetë nga plagët e marra. Flora Ahmeti, zëdhënësja e Policisë për rajonin e Prishtinës, konfirmoi për Klankosova.tv se 43-vjeçari nuk arriti t’u mbijetojë dëmtimeve.
Ekipi mjekësor në vendngjarje e konstatoi vdekjen e tij. Ende nuk dihen arsyet e sakta të rënies, ndërsa hetimet kanë filluar në bashkëpunim me Prokurorinë dhe Inspektoratin e Punës për të hedhur dritë mbi rrethanat e këtij rasti të rëndë.
Ngjarja ka ngjallur shqetësime për sigurinë e punëtorëve në vendet e ndërtimit në rajon.
Leave a Reply