700 shtëpi në Podujevë pa ujë të pijshëm për 30 orë

Për më shumë se 30 orë, afërsisht 700 familje në Podujevë janë përballur me mungesë të ujit të pijshëm.

Kjo situatë prek banorët që jetojnë pranë hekurudhës dhe në zonën e njohur si “Çeshmja e Azemit”, si dhe një pjesë të rrugës “Lordi Bajron”. Ndërprerja e furnizimit me ujë ka ndodhur për shkak të një defekti në tubacionin e vjetër që vjen nga fabrika e ujit në Shajkovc.

Për të shprehur pakënaqësitë e tyre, banorët kanë protestuar para zyrave të Ujësjellësit Rajonal “Prishtina” në Podujevë. Ata pretendojnë se nuk kanë marrë ende ndonjë sqarim zyrtar mbi shkakun apo kohëzgjatjen e ndërprerjes nga autoritetet përkatëse.

Banorët kërkojnë një zgjidhje të shpejtë dhe informacion të saktë mbi situatën, duke shpresuar për rikthimin e furnizimit me ujë sa më shpejt të jetë e mundur.