Lumir Abdixhiku, lideri i Lidhjes Demokratike të Kosovës dhe kandidati për kryeministër nga kjo parti, shprehu mirënjohjen e tij për 500 vullnetarët që janë angazhuar deri më tani në LDK.
Ai theksoi entuziazmin dhe energjinë që këta të rinj sjellin në radhët e partisë. Në mbrëmjen e sotme, Abdixhiku do të bashkohet me vullnetarët dhe kryetarin e Prishtinës, Përparim Rama, në sheshin “Zahir Pajaziti”.
Aktiviteti pritet të fillojë në orën 21:00, ku do të ndizen dritat festive të fundvitit, duke sjellë një atmosferë të ngrohtë dhe gëzim për qytetarët. “Ejani të gjithë dhe bëhemi pjesë e këtij momenti të veçantë”, ftoi Abdixhiku, duke inkurajuar pjesëmarrjen në këtë ngjarje që synon të japë dritë, shpresë dhe gëzim për komunitetin.
Leave a Reply