Kryeministri në detyrë, Albin Kurti, gjatë një fushate në Obiliq, theksoi një zhvillim të rëndësishëm ekonomik në Kosovë, duke shprehur shqetësim për mungesën e fuqisë punëtore vendase.
Ai tregoi se në zonën e Ferizajt, në fabrika të ndryshme, ka parë inxhinierë dhe punëtorë nga vende të tjera si Turqia, Kina, Pakistani, Bangladeshi dhe Filipinet. Kurti e krahasoi situatën me zhvillimet në Gjermani dhe Austri, ku u thithën punëtorë nga jashtë për të mbështetur ekonominë.
Në fjalimin e tij, Kurti nuk përmendi faktin se gjatë vitit 2024, sipas Agjencisë së Statistikave të Kosovës, 37,451 qytetarë e kanë lëshuar vendin. Kjo agjenci raportoi gjithashtu se numri i banorëve që imigruan në Kosovë ishte 9,038, ndërsa popullsia e vlerësuar për vitin 2024 arriti në 1,585,590 banorë rezidentë.
Këto të dhëna tregojnë për një sfidë të vazhdueshme demografike në vend.
Leave a Reply