Media ndërkombëtare, si “Reuters”, raporton për zgjedhjet e jashtëzakonshme që do të mbahen në Kosovë më 28 dhjetor.
Këto zgjedhje vijnë pas një bllokimi politik që zgjati një vit dhe çoi në shpërbërjen e parlamentit të Kosovës, duke lënë një boshllëk prej 1 miliard eurosh në financat e vendit, raporton Klankosova.tv. Në zgjedhjet e fundit të mbajtura në shkurt, partia Vetëvendosje e kryeministrit në detyrë Albin Kurti arriti të fitojë, por pa siguruar një shumicë të qartë dhe pa arritur të formojë një koalicion.
Kjo situatë ka ngritur shqetësime se një përsëritje mund të çojë në një krizë të re politike, ndërsa parlamenti duhet të zgjedhë një president të ri brenda disa muajsh dhe afatet për ratifikimin e kredive ndërkombëtare po afrohen. Analisti politik Artan Muhaxhiri e quan këtë proces zgjedhor si një nga më të rëndësishmit për Kosovën e viteve të fundit.
Ai shpreh shqetësimin se nëse Kurti arrin përsëri rreth 42% të votave, bllokimi aktual mund të vazhdojë, për shkak të ndarjeve të thella me partitë e tjera. Ndërkohë, nuk ka sondazhe të publikuara që të japin një ide të qartë mbi rezultatin e pritshëm.
Leave a Reply