Ministri i Financave, Hekuran Murati, ka bërë të ditur se Administrata Tatimore e Kosovës ka regjistruar një sukses të jashtëzakonshëm, duke tejkaluar për herë të parë shifrën prej 1 miliard euro në mbledhjen e tatimeve për këtë vit, duke vendosur një rekord të ri historik.
Murati theksoi se ky rezultat është arritur para përfundimit të vitit fiskal, konkretisht më 16 dhjetor. Ai vuri në dukje se kjo arritje përfaqëson një rritje të ndjeshme krahasuar me pesë vite më parë, kur të ardhurat nga tatimet ishin vetëm 467 milionë euro.
Gjatë kësaj periudhe pesëvjeçare, ekonomia ka shënuar rritje të dukshme. Qarkullimi i bizneseve është rritur nga 12 miliardë në 25 miliardë euro, ndërsa fitimet e korporatave janë dyfishuar, duke arritur nga 900 milionë në 2.3 miliardë euro.
Po ashtu, numri i vendeve të punës është rritur nga 350 mijë në 435 mijë.
Leave a Reply