Paneli Zgjedhor për Ankesa dhe Parashtresa (PZAP) ka vendosur një gjobë prej 20 mijë eurosh ndaj Listës Serbe për shkeljen e Kodit të Etikës dhe Mirësjelljes gjatë procesit zgjedhor.
Ky vendim pason një ankesë nga Kosovski Savez, që pretendoi se Lista Serbe kishte vendosur materiale propagandistike në kundërshtim me rregullat në komunën e Leposaviqit. Ankuesi ka paraqitur fotografi që ilustrojnë vendosjen e këtyre materialeve në vende si shtylla elektrike, parqe dhe stacione autobusi.
Këto materiale, sipas PZAP, ishin shpërndarë pa lejen e autoriteteve përkatëse, duke përbërë një shkelje të legjislacionit zgjedhor. Lista Serbe nuk ka dhënë përgjigje ndaj ankesës.
PZAP ka urdhëruar heqjen e menjëhershme të materialeve të vendosura në mënyrë të paligjshme dhe ka paralajmëruar se mosrespektimi i këtij urdhri mund të rezultojë në sanksione të mëtejshme.
Leave a Reply