Anu Prattipati, e ngarkuara me punë nga Shtetet e Bashkuara në Kosovë, zhvilloi një takim me kryetarët serbë të komunave në veri, përfshirë Mitrovicën e Veriut, Zveçanin, Zubin Potokun dhe Leposaviçin.
Gjatë këtij takimi, i cili u njoftua nga ambasada, ajo theksoi rëndësinë e qeverisjes transparente dhe efektive. Prattipati vuri në pah pritjet e SHBA-së për ofrimin e shërbimeve të barabarta për të gjithë qytetarët dhe theksoi domosdoshmërinë e bashkëpunimit me institucionet e sigurisë publike në shërbim të të gjitha komuniteteve.
Përveç kryetarëve të komunave, në takim ishin të pranishëm edhe përfaqësues të shoqërisë civile serbe në veri të Kosovës. Ky angazhim synon të sigurojë një qeverisje që respekton të drejtat dhe nevojat e qytetarëve në rajon.
Leave a Reply