Një studim i kryer nga Universiteti Flinders në Australi sugjeron se çaji mund të ketë një avantazh të lehtë mbi kafenë kur bëhet fjalë për shëndetin e eshtrave te gratë mbi 65 vjeç.
Studimi, i publikuar në revistën Nutrients, përfshiu të dhëna nga rreth 10 mijë gra dhe zbuloi se ato që konsumonin çaj kishin një dendësi më të lartë të eshtrave të ijëve krahasuar me ato që konsumonin kafe. Megjithatë, efektet mbrojtëse të çajit janë të vogla, dhe ekspertët theksojnë se ndryshimet në densitetin e eshtrave janë të vogla për të pasur rëndësi të madhe klinike.
Konsumimi i tepruar i kafesë, mbi pesë filxhanë në ditë, mund të ulë densitetin e eshtrave, veçanërisht te individët që konsumojnë shumë alkool. Studiuesit gjithashtu vunë re se konsumimi i moderuar i kafesë, dy deri në tre filxhanë në ditë, nuk duket se dëmton eshtrat.
Për të mbrojtur shëndetin e eshtrave, rekomandohet një dietë e pasur me kalcium dhe vitaminë D, si dhe ushtrime fizike të rregullta.
Leave a Reply