Bedri Hamza nga Partia Demokratike e Kosovës ka shprehur gatishmërinë për të marrë pjesë në një debat televiziv me kandidatin e Vetëvendosjes, Albin Kurti.
Ai theksoi se një përballje e tillë është e rëndësishme për publikun, pasi qytetarët kanë të drejtë të njihen me programet dhe ofertat zgjedhore të kandidatëve. Hamza nënvizoi se është i hapur për të diskutuar në çdo studio televizive, jo për përfitime personale, por për të informuar publikun mbi atë që përfaqësojnë kandidatët dhe me çfarë vizioni dhe ekipe konkurrojnë.
Ai theksoi se gjithmonë do të ruajë respektin reciprok gjatë debatit. Sipas tij, një dialog i tillë është në të drejtën publike dhe kontribuon në një informim më të mirë të votuesve.
Leave a Reply