Në një operacion të madh në Stamboll, autoritetet turke arrestuan 115 persona të dyshuar për lidhje me organizatën terroriste Shteti Islamik.
Këta individë akuzohen se planifikonin sulme gjatë Krishtlindjeve dhe Vitit të Ri, kryesisht duke synuar komunitetet jomuslimane gjatë festimeve. Operacioni policor përfshiu bastisjen e 124 lokacioneve, ndërsa në total ishin në kërkim 137 persona.
Ky aksion është pjesë e masave parandaluese të policisë për të ruajtur sigurinë e qytetarëve dhe për të garantuar mbarëvajtjen e festave të fundvitit. Sipas prokurorisë, ndërhyrja e shpejtë e autoriteteve synon të parandalojë çdo kërcënim potencial ndaj qytetarëve gjatë periudhës festive.
Ndërkohë, hetimet vazhdojnë për të siguruar qetësinë në qytet dhe për të ndjekur penalisht të gjithë të përfshirët në komplotin e dyshuar.
Leave a Reply