Ilir Krasniqi transferohet te Polissya në Ukrainë

Klubi ukrainas Polissya Zhytomyr ka nënshkruar me mbrojtësin Ilir Krasniqi, i cili gjithashtu është pjesë e Kombëtares së Kosovës.

Ky është një hap tjetër në përpjekjet e klubit për t’u forcuar për sezonin e ardhshëm, pas prezantimit të Lindon Emërllahut më herët gjatë ditës. Transferimi i Krasniqit nga Kolos pritet të prezantohet së shpejti dhe mund të ndodhë gjatë natës së Vitit të Ri, sipas burimeve të sport.ua.

Detajet financiare të marrëveshjes nuk janë zbuluar ende, por mediat kanë sugjeruar një shifër rreth 2 milionë eurosh. Sipas Transfermarkt, vlera e Krasniqit është 1 milion euro.

Ai kishte nënshkruar me Kolos në verën e vitit 2024 deri në verën e vitit 2027. Gjatë sezonit 2025/26, Krasniqi ka luajtur 14 ndeshje në UPL, duke shënuar një gol.

Me Kombëtaren e Kosovës, ai ka regjistruar 17 paraqitje dhe vazhdon të jetë një lojtar aktiv.