Pas përfundimit të fushatës zgjedhore në Prishtinë, Lumir Abdixhiku, kandidati i Lidhjes Demokratike të Kosovës për kryeministër, u bëri thirrje qytetarëve për mbështetje në zgjedhjet e 28 dhjetorit.
Ai theksoi rëndësinë e votës për LDK-në dhe numrin 123 në listën e kandidatëve të saj. Abdixhiku, përmes një postimi në rrjetet sociale, i ftoi qytetarët të zgjedhin LDK-në si simbol të shpresës dhe të së ardhmes së Kosovës.
Ai u shpreh se fleta e votimit, ndonëse e vogël, përmban të ardhmen e vendit, duke përcaktuar nëse Kosova do të ndjekë rrugën e zhvillimit dhe integrimit ose do të mbetet peng i populizmit. Duke e cilësuar këtë periudhë si një moment për ndryshim dhe rikthim te vlerat e shtetit dhe shpresës, Abdixhiku theksoi se LDK-ja është forca që mund të ndalë rënien dhe të hapë një kapitull të ri për Republikën.
Ai u premtoi qytetarëve një udhëheqje me dinjitet dhe përgjegjësi.
Leave a Reply