Një 18-vjeçar është arrestuar nga Policia e Kosovës në Shtërpcë pasi u gjetën cigare me substancë të dyshuar narkotike në automjetin që ai drejtonte.
Ngjarja u regjistrua më 26 dhjetor 2025, rreth orës 21:30, në fshatin Drajkovc. Automjeti i tipit Audi Q8 nuk u ndal për kontroll nga policia dhe vazhdoi lëvizjen, por më vonë u ndalua në qendër të Shtërpcës.
Në automjet ndodheshin katër persona dhe pas kontrollit, u zbulua se substanca narkotike i përkiste të dyshuarit. Njësia Anti-Drogë dhe prokurori i shtetit u informuan për rastin, duke autorizuar hetimet dhe intervistimin e të dyshuarit në prani të avokatit.
Pas përfundimit të procedurave policore, 18-vjeçari u lirua në procedurë të rregullt, ndërsa tre pasagjerët e tjerë u intervistuan si dëshmitarë. Policia Rajonale e Ferizajt ka theksuar përkushtimin e saj në luftën kundër aktiviteteve të paligjshme dhe u bën thirrje qytetarëve të raportojnë çdo aktivitet të dyshimtë.
Leave a Reply