Muhamet Hamiti, një nga drejtuesit e LDK-së, ka kritikuar Qeverinë Kurti për dëmtimin e Republikës së Kosovës dhe ka bërë thirrje për mbështetje ndaj partive tradicionale në zgjedhjet e ardhshme.
Në një postim në “Facebook”, ai ka theksuar rëndësinë e votimit për LDK-në dhe partitë e tjera tradicionale shqiptare. Sipas Hamitit, qeverisja e Albin Kurtit dhe partnerët e tij kanë përbërë një kërcënim për ekzistencën e shtetit, duke sjellë varfërim, izolim dhe sanksione ndërkombëtare ndaj Kosovës gjatë pesë viteve të fundit.
Ai beson se një triumf i partive tradicionale do të ofrojë një mundësi për rikthimin e vendit në rrugën e duhur të zhvillimit dhe integrimit euro-atlantik. Hamiti thekson se është thelbësore që qytetarët të votojnë masivisht për LDK-në dhe aleatët e saj, të cilët kanë kontribuar në ndërtimin e shtetit dhe dëshirojnë përparimin e Kosovës.
Leave a Reply