Në qendrën e votimit me kusht në Fakultetin e Edukimit në Prishtinë, procesi i votimit është hapur në kohë dhe ka vijuar pa probleme.
Brenda një ore e gjysmë, janë regjistruar 20 votues. Kjo është konfirmuar nga menaxheri i qendrës, Milaim Mazreku, për Agjencinë e Lajmeve Ekonomia Online.
Mazreku raportoi se votimi nisi pesë minuta para orës 07:00, me tre votues që hodhën votën e tyre menjëherë. Ai theksoi se gjithçka po ecën sipas planit dhe bëri thirrje që qytetarët të marrin pjesë në votime.
Materialet e nevojshme për votim janë dorëzuar në qendër pa vonesa apo incidente. Në Prishtinë, numri i votuesve të regjistruar është mbi 219,000, ndërsa jashtë Kosovës janë regjistruar më shumë se 7,500 qytetarë për të votuar.
Në nivel vendi, lista votuese përfshin 1,999,204 qytetarë me të drejtë vote, ndërsa numri i atyre që kanë aplikuar për të votuar jashtë vendit është 77,086.
Leave a Reply