Procesi zgjedhor në Kosovë po zhvillohet pa pengesa, me pjesëmarrje të lartë të qytetarëve.
Deri në orën 09:00, janë regjistruar rreth 231 votues në qendrën e votimit ku menaxhon Stublla, e cila theksoi se gjithçka po shkon sipas planit. Ndërkohë, një ekip i posaçëm është caktuar për të ndihmuar personat me nevoja të veçanta, por deri më tani nuk është paraqitur asnjë kërkesë për asistencë.
Qytetarët shprehen optimistë për ndryshime pozitive. Skënder Xerxa, një votues lokal, deklaroi se procesi ishte i rregullt dhe shpreson për përmirësime në sistem.
Ardian Pali, i cili jeton jashtë vendit, u kthye për të votuar, duke shprehur dëshirën për një rezultat të favorshëm. Ajne Rama theksoi rëndësinë e pjesëmarrjes së qytetarëve në votime, duke shpresuar për triumfin e drejtësisë.
Në shkallë vendi, zgjedhjet po mbahen në 948 qendra votimi, me një total prej 2,614 vendvotimesh. Numri i përgjithshëm i votuesve të regjistruar në Kosovë arrin në 1,999,204, ndërsa 77,086 janë regjistruar për të votuar jashtë vendit.
Leave a Reply