Avokati i njohur, Arianit Koci, ka apeluar te qytetarët që në zgjedhjet e ardhshme të bëjnë zgjedhje të ndryshme nga ato të 9 shkurtit, duke theksuar rëndësinë e një ndryshimi politik.
Ai thekson se vetëm përmes një “mini-revolucioni” politik mund të arrihet përmirësimi i situatës në vend. Sipas tij, votimi i të njëjtëve kandidatë nuk do të sjellë ndryshime pozitive në jetën e qytetarëve, duke e cilësuar këtë si një gabim që do të vazhdojë të mbajë vendin në varfëri dhe prapambetje.
Koci thekson se për të përmirësuar gjendjen, është e domosdoshme përfshirja e individëve të vendosur dhe energjikë në proceset politike. Në postimin e tij, ai bën thirrje për ndryshime radikale në mënyrën e funksionimit të politikës, duke u shprehur se vetëm kështu mund të arrihet mirëqenie në shoqëri.
“Shihemi shumë shpejt në zgjedhjet e ardhshme,” përfundon Koci.
Leave a Reply