Kandidatja për deputete e Lidhjes Demokratike të Kosovës (LDK), Doarsa Kica Xhelili, ka shprehur mendimin e saj pas performancës së dobët të partisë në zgjedhjet e fundit kombëtare.
Ajo theksoi se angazhimi për shtetin nuk kufizohet nga një rezultat i vetëm zgjedhor, duke vënë në pah se LDK-ja është një forcë e qëndrueshme dhe jo e përkohshme, njësoj si Republika që ka ndihmuar të ndërtojë. Kica Xhelili falënderoi veçanërisht votuesit për mbështetjen e tyre të vazhdueshme dhe për besnikërinë ndaj partisë, duke theksuar rëndësinë e reflektimit pas këtij rezultati.
Ajo u shpreh se arsyeja për të qëndruar të bashkuar vazhdon të jetë e njëjtë dhe inkurajoi mbështetësit që të mbajnë kokën lart. Në këtë kontekst, ajo theksoi se megjithëse sfidat mund të jenë të vështira, LDK-ja mbetet një shtyllë e rëndësishme e politikës kosovare dhe do të vazhdojë të punojë për të ardhmen e vendit.
Leave a Reply