Policia e Kosovës ka bërë të ditur se është marrë një raportim për praninë e një bombe në aeroportin ndërkombëtar “Adem Jashari” në Prishtinë.
Menjëherë pas këtij raportimi, të gjitha njësitë përkatëse u mobilizuan dhe inspektuan zonën, por nuk gjetën asgjë të dyshimtë. Nga hetimet e deritanishme është konkluduar se ky ishte një alarm i rremë.
Policia ka regjistruar rastin si “lajmërim i rremë”, duke e dërguar më tej për shqyrtim me prokurorinë. Në raportin zyrtar të policisë, thuhet se njësitë e sigurisë kanë kontrolluar me kujdes të gjithë perimetrin e aeroportit, por nuk është konstatuar asnjë rrezik për udhëtarët apo personelin.
Ky incident nuk ka shkaktuar vonesa apo ndërprerje në operacionet e aeroportit.
Leave a Reply