Kryetari i Aleancës për Ardhmërinë e Kosovës (AAK), Ramush Haradinaj, ka analizuar rezultatin e zgjedhjeve të fundit, duke e cilësuar si një zgjidhje për ngërçin institucional, por jo për problemet e qytetarëve.
Ai theksoi se këto zgjedhje do të nxisin reforma brenda partisë. Haradinaj ka vënë në pah shqetësimet e qytetarëve gjatë fushatës, të cilat përfshijnë krizën energjetike, ngecjet në proceset integruese euro-atlantike, veçanërisht në NATO, dhe rënien e investimeve kapitale.
Ai përmendi gjithashtu shtrenjtimin e kostos së jetesës dhe largimin e të rinjve nga Kosova. Duke pranuar rezultatin, Haradinaj deklaroi se AAK do të respektojë votën e qytetarëve dhe do të përqendrohet në proceset e brendshme të reformimit partiak.
Ai falënderoi votuesit dhe aktivistët për mbështetjen e tyre, si dhe kolegët nga Lista 129 për bashkëpunimin gjatë fushatës. Haradinaj përfundoi duke shprehur përkushtimin e plotë ndaj Kosovës.
Leave a Reply