Presidenti i FIFA-s, Gianni Infantino, ka mbrojtur çmimet e biletave për Kupën e Botës, duke argumentuar se ato pasqyrojnë kërkesën e jashtëzakonshme të publikut.
Turneu do të mbahet në Shtetet e Bashkuara, Kanada dhe Meksikë, ku çmimet e biletave, veçanërisht për ndeshjet e fazës së grupeve dhe finalen në New Jersey, kanë ngjallur kritika të ashpra. Infantino ka theksuar se kërkesa për bileta është tej mase më e madhe se oferta, duke shtuar se FIFA ka pranuar 150 milionë kërkesa brenda dy javësh, për një total prej gjashtë deri në shtatë milionë bileta në dispozicion.
Ai e quajti këtë situatë “absolutisht të çmendur”, ndërsa FIFA ka vendosur të ofrojë një numër të kufizuar biletash me çmime më të përballueshme për të gjithë 104 ndeshjet. Zyrtarë të FIFA-s kanë deklaruar se të ardhurat nga shitja e biletave do të investohen sërish në futbollin global, duke nënvizuar rëndësinë e këtyre parave për zhvillimin e sportit në mbarë botën.
Leave a Reply