Zgjedhjet në Kosovë dhe fitorja e Lëvizjes Vetëvendosje të Albin Kurtit kanë tërhequr vëmendjen e mediave gjermane, të cilat theksojnë se mund të përfundojë bllokada politike disamujore në vend.
Portali gjerman “tagesschau” raporton se partia e Kurtit, me mbështetje të fuqishme nga diaspora, ka arritur një rezultat të lartë në zgjedhjet e fundit, duke marrë rreth 50% të votave. Ky rezultat i jep Kurtit mundësinë të qeverisë pa varësi nga partitë opozitare, por ai ende ka nevojë për mbështetjen e pakicave.
“Der Spiegel” përshkruan atmosferën festive në Prishtinë, ndërsa Kurti ka siguruar një mazhorancë të fortë me 56 nga 120 deputetë. Ai synon të ulë ndikimin serb në Kosovë, një veprim që mbështetet nga shumë shqiptarë, por që mund të rrisë tensionet me Serbinë.
Portali i televizionit ntv thekson rritjen e konsiderueshme të votave për Kurtin dhe shanset për të zgjidhur bllokimin politik. Ndërkohë, “Süddeutsche Zeitung” paralajmëron se nëse nuk formohet një qeveri, kriza mund të përshkallëzohet, duke vënë në rrezik marrëveshjet financiare me BE-në dhe Bankën Botërore.
Edhe “Frankfurter Rundschau” dhe “Frankfurter Allgemeine Zeitung” analizojnë fushatën e Kurtit dhe ndikimin e diasporës, ndërsa shprehin shpresën për fundin e krizës politike në Kosovë.
Leave a Reply