Presidentja e Kosovës, Vjosa Osmani, ka shprehur falënderime për qytetarët e vendit për sjelljen e tyre të pjekur gjatë zgjedhjeve të fundit.
Ajo theksoi se rezultatet kanë krijuar një qartësi të re për formimin e institucioneve. Në një intervistë për IndeksOnline, Osmani u shpreh optimiste për zhvillimet e ardhshme, duke premtuar lajme pozitive në vitin 2026.
Ajo bëri thirrje që të gjitha partitë politike të angazhohen në krijimin e institucioneve në kohë sa më të shpejtë dhe të mbështesin vendimet urgjente, përfshirë miratimin e buxhetit dhe marrëveshjeve ndërkombëtare që nuk u realizuan në mandatin e kaluar. Osmani po ashtu iu përgjigj akuzave të opozitës për afërsi me qeverinë dhe shprehu gatishmërinë për t’u rikandiduar për një mandat tjetër si presidente.
Ajo është e bindur se të gjitha partitë do të mbështesin marrëveshjet që janë në dobi të vendit.
Leave a Reply