Kuvendi i Komunës së Kaçanikut zhvilloi mbledhjen inaugurale të legjislaturës së re, drejtuar nga Kryesuesi Selajdin Troni.
Gjatë këtij takimi u prezantua edhe Kryetari i Komunës, Sabedin Vishi, i cili propozoi ndarjen e fondeve për lehonat në komunë, me qëllim përmirësimin e mirëqenies së familjeve. Në këtë seancë, u miratua rendi i ditës dhe disa vendime të rëndësishme, si formimi i Komitetit për Politikë dhe Financa, Komitetit për Komunitete dhe Komisionit për Planin e Punës për vitin 2026.
Gjithashtu, Kuvendi shqyrtoi kërkesën për shfuqizimin e vendimit mbi Planin e menaxhimit të integruar të mbeturinave për rajonet e Gjilanit dhe Ferizajt. Një çështje tjetër e diskutuar ishte miratimi i listës së pronave komunale që do të jepen në përdorim apo me qira në 2026.
Mbledhja u vlerësua si konstruktive, duke shënuar një fillim të mbarë për punën e Kuvendit me përbërjen e re.
Leave a Reply