Në prag të Vitit të Ri, Presidentja e Kosovës, Vjosa Osmani, vizitoi repartin e hemato-onkologjisë në Klinikën e Pediatrisë, ku takoi fëmijët që përballen me sëmundje të rënda dhe familjet e tyre.
Ajo shprehu solidaritet dhe mbështetje, duke theksuar se guximi i fëmijëve dhe dashuria e familjeve të tyre janë burim frymëzimi për shoqërinë. Gjatë vizitës, Osmani përçoi mesazhe shprese, duke uruar që viti i ri të sjellë shëndet dhe gëzim për të gjithë.
Presidentja theksoi se megjithëse koha në këto ambiente duket se ecën më ngadalë, shpresa mbetet e palëkundur. Ajo falënderoi gjithashtu stafin e klinikës për punën e tyre të palodhshme dhe të jashtëzakonshme.
Në një mesazh të veçantë, Osmani uroi që viti i ardhshëm të sjellë mrekulli të vogla dhe të mëdha për fëmijët dhe familjet e tyre, duke nënvizuar se dashuria është forca më e madhe shëruese.
Leave a Reply