Presidentja e Kosovës, Vjosa Osmani, ka adresuar një urim për qytetarët e vendit me rastin e Vitit të Ri 2026.
Ajo ka theksuar se viti që po lëmë pas ka qenë sfidues, por ka treguar dhe forcën e Kosovës në arenën ndërkombëtare. Sipas saj, pavarësisht vështirësive, vendi ka arritur të ruajë qëndrimet e tij të palëkundura dhe të dëgjohet fuqishëm në skenën globale.
Osmani ka vlerësuar se, edhe pse themelimi i institucioneve ka pasur vonesa, ky vit ka forcuar pozicionin ndërkombëtar të Kosovës dhe ka nxitur bashkëpunimin me partnerët strategjikë. Ajo ka shprehur besimin se viti 2026 do të sjellë përgjegjësi të reja dhe synime të qarta për një Kosovë më të sigurt dhe të zhvilluar.
Në urimin e saj, Presidentja ka inkurajuar qytetarët të vazhdojnë angazhimin për forcimin e shtetit të së drejtës dhe përmirësimin e mirëqenies ekonomike. Duke u drejtuar qytetarëve, ajo ka uruar shëndet, paqe dhe begati, duke shpresuar që viti i ri të jetë i mbushur me bashkëpunim dhe suksese.
Leave a Reply