Vjosa Osmani, aktualisht presidente e Kosovës, ka bërë të ditur se synon të kandidojë për një mandat të dytë pas përfundimit të mandatit të saj aktual në pranverën e vitit 2026.
Sipas saj, 81 për qind e qytetarëve të Kosovës e mbështesin këtë qëllim. Në një intervistë për Kiks Kosova, Osmani theksoi se të gjitha partitë politike në vend janë informuar për ambicien e saj, përveç Listës Serbe.
Ajo pret që partitë të votojnë për rizgjedhjen e saj, duke respektuar parimet e mbrojtjes së interesit kombëtar dhe reflektimit të vullnetit qytetar. Nëse partitë politike nuk mbështesin kandidaturën e saj për një mandat të dytë, Osmani paralajmëron se do të përballet me to në zgjedhje, duke vazhduar angazhimin e saj politik.
Ajo është e vendosur të vazhdojë të kontribuojë në zhvillimin e Kosovës, qoftë si presidente apo në role të tjera politike.
Leave a Reply