Në moshën 81-vjeçare, ka ndërruar jetë politikani i shquar Nexhat Daci, i cili ka lënë gjurmë të rëndësishme në jetën politike dhe akademike të Kosovës.
Daci shërbeu si deputet në Kuvendin e Kosovës nga viti 2001 deri në 2011. Ai u zgjodh kryetar i Kuvendit për dy mandate, nga viti 2000 deri në 2004 dhe më pas deri në 2006.
Pas ndarjes nga jeta të ish-presidentit Ibrahim Rugova, ai mori përkohësisht detyrën e presidentit për një muaj. Pas largimit nga Lidhja Demokratike e Kosovës, Daci themeloi Lidhjen Demokratike të Dardanisë, duke marrë drejtimin e saj.
Nexhat Daci lindi në Tënoc më 1944. Arsimin fillor e kreu aty, ndërsa të mesëm në Leskoc.
Studimet universitare për kimikë i përfundoi në Beograd më 1966, dhe doktoratën e mori në Zagreb më 1973. Ai përfundoi kërkimet posdoktorale në Universitetin e Bradfordit në Angli më 1974.
Kontributet e tij në fushën akademike përfshijnë pjesëmarrjen në studime shkencore dhe konferenca ndërkombëtare. Që nga viti 1985, ishte anëtar i Shoqatës Kimike Amerikane dhe u bë pjesë e Akademisë së Shkencave të Kosovës në 1993.
Leave a Reply