Në Qendrën e Numërimit dhe Rezultateve në Kosovë, sot në orën 10:00, filloi procesi i numërimit të votave të dërguara nga jashtë vendit, të cilat janë mbledhur nga dy kutitë postare jashtë Kosovës.
Sipas Komisionit Qendror të Zgjedhjeve (KQZ), rreth 58,000 shtetas janë regjistruar për të votuar përmes postës, por ende nuk dihet saktësisht sa prej tyre kanë votuar, pasi procesi i tërheqjes së fletëvotimeve vazhdon. Deri më tani, nga kutitë postare në Berlin dhe Bernë, janë mbledhur mbi 28,500 pako me fletëvotime.
Nga këto, pas vlerësimit, 27,600 janë aprovuar, ndërsa mbi 950 janë refuzuar për shkak të mungesës së dëftesës së regjistrimit. Ndërkaq, nga votimi në 29 përfaqësi diplomatike, 16,165 nga 19,187 shtetas të regjistruar kanë votuar, duke përfaqësuar 84.24% të pjesëmarrjes.
Leave a Reply