Autoritetet zvicerane janë ende duke zhvilluar operacionet e kërkimit për viktimat e zjarrit që përfshiu një bar në një resort skijimi në Crans-Montana gjatë natës së Vitit të Ri.
Deri tani, ngjarja ka marrë jetën e rreth 40 personave dhe ka lënduar 115 të tjerë, disa prej të cilëve në gjendje të rëndë me djegie të shkallës së tretë, sipas mjekëve. Ende nuk është përcaktuar shkaku i zjarrit, megjithatë dëshmitarët raportojnë se flakët janë përhapur me shpejtësi duke shkaktuar panik.
Presidenti i Zvicrës, Guy Parmelin, e ka cilësuar këtë tragjedi si një ndër më të rëndat që ka përjetuar vendi, duke shpallur pesë ditë zie kombëtare. Ekipet emergjente vazhdojnë të jenë në vendngjarje, ndërsa autoritetet kanë paralajmëruar se procesi i identifikimit të viktimave mund të zgjasë disa ditë ose javë.
Leave a Reply