Ndryshime në listën e LDK: Sadiku ngjitet, Gashi bie pas

Gara për deputetë brenda Lidhjes Demokratike të Kosovës (LDK) po shkon drejt përfundimit, duke mbetur ende interesante.

Ermal Sadiku, i cili më parë ishte në vendin e 15-të, ka kaluar Fadil Hadërgjonajn dhe tani është në pozicionin e 14-të. Aktualisht, Sadiku ka grumbulluar 15,086 vota, ndërsa Hadërgjonaj ndodhet afër me 15,017 vota.

Ndërkohë, Arben Gashi ka humbur terren, duke pasur rreth 500 vota më pak se Hadërgjonaj. Kjo situatë e bën garën akoma më të ngushtë dhe të paparashikueshme.

Procesi i numërimit të votave po vazhdon, ndërsa kandidatët dhe mbështetësit e tyre presin me padurim rezultatet përfundimtare.