Kryetari i Lidhjes Demokratike të Kosovës, Lumir Abdixhiku, së bashku me familjen Zemaj dhe bashkëpunëtorë, kanë nderuar kujtimin e 23 vjetorit të vrasjes së Kolonelit Tahir Zemaj, të birit të tij Enisit dhe të Hasan Zemajt.
Këta tre burra, të cilët dhanë jetën për Kosovën dhe idealin e lirisë, u përkujtuan me respekt dhe dhimbje. Në një deklaratë, Abdixhiku vlerësoi kontributin e Kolonelit Zemaj, duke e përshkruar atë si një patriot të rrallë dhe strateg të shquar.
Ai udhëhoqi luftime vendimtare në Dukagjin kundër forcave serbe, duke lënë gjurmë të thella në historinë e rezistencës kosovare. Ngjarja tragjike e janarit 2003, kur u vranë pabesisht Tahir Zemaj, Enisi dhe Hasani, vazhdon të rëndojë ndërgjegjen e shoqërisë.
Abdixhiku theksoi se drejtësia ende nuk është vënë në vend, duke shtuar se dhimbja për familjen Zemaj dhe LDK-në mbetet e hapur. Ai nënvizoi se Kolonel Zemaj ishte një figurë e rëndësishme në historinë e Kosovës dhe simbol i sakrificës dhe përkushtimit ndaj atdheut.
Leave a Reply