Në orët e para të mëngjesit të djeshëm, presidenti i SHBA-së, Donald Trump, bëri të ditur se presidenti i Venezuelës, Nicolas Maduro, dhe bashkëshortja e tij, Cilia Flores, ishin larguar nga vendi.
Sipas dy burimeve të afërta me ngjarjen, çifti u tërhoq zvarrë nga dhoma e tyre e gjumit në mes të natës gjatë një operacioni amerikan ndërsa ata ishin në gjumë. Më vonë, Trump postoi një foto të Maduros në bordin e anijes luftarake USS Iwo Jima, ku ai shihej me një kostum sportiv gri dhe maskë për sytë.
Në dorë mbante një shishe uji dhe kishte veshur kufje. Maduro u transportua më pas drejt New York-ut, ku u pa duke zbritur nga një avion në bazën Stewart Air National Guard, shoqëruar nga një grup agjentësh federalë të veshur me të zeza.
Pas mbërritjes, ai u transferua me helikopter në Manhattan dhe më pas në Qendrën Metropolitane të Paraburgimit në Brooklyn, ku po mbahet aktualisht. Në një video të publikuar nga Shtëpia e Bardhë, Maduro shihej duke marrë pjesë në një “perp walk”, i veshur me një bluzë sportive me kapuç dhe pantallona të zeza, duke përshëndetur të pranishmit në anglisht.
Leave a Reply