Presidenca e Kosovës ka deklaruar se nuk ka marrë informacione nga Agjencia për Parandalimin e Korrupsionit lidhur me nisjen e verifikimit të pasurisë së presidentes Vjosa Osmani.
Bekim Kupina, këshilltari për media i presidentes, theksoi për RTKlive se nuk disponojnë të dhëna të tilla, por presidentja është e hapur ndaj çdo verifikimi të bazuar në pavarësi dhe integritet. Kupina e cilësoi këtë situatë si një fushatë njollosjeje, duke sugjeruar se arsyet e këtyre veprimeve janë të qarta.
Ndërkohë, RTKlive ka kërkuar një reagim nga drejtori i Agjencisë për Parandalimin e Korrupsionit, Yll Buleshkaj, i cili premtoi një përgjigje zyrtare gjatë ditës. Kjo çështje u bë publike pasi mediat raportuan se Agjencia ka filluar procedurën e verifikimit për shkak të dallimeve të dyshuara në deklarimet e pasurisë së presidentes mes viteve 2024 dhe 2025.
Leave a Reply