Ministri i Brendshëm i Kroacisë, Davor Bozhinoviq, ka reaguar ndaj deklaratave të bëra nga presidenti serb Aleksandar Vuçiq, i cili akuzoi Kroacinë për krijimin e një aleance ushtarake me Kosovën dhe Shqipërinë kundër Serbisë.
Vuçiq theksoi se kjo përbën një kërcënim për Serbinë dhe se është e rëndësishme që populli serb ta kuptojë këtë. Në përgjigje të këtyre akuzave, Bozhinoviq theksoi rëndësinë e paqes dhe bashkëpunimit në rajon, duke nënvizuar orientimin e qartë të Kroacisë si anëtare e Bashkimit Evropian.
Ai shtoi se mesazhet e paqes janë thelbësore pavarësisht dallimeve kalendarike në festimet e Krishtlindjeve. Mediat kroate rikujtojnë se në mars të vitit të kaluar, ministrat e mbrojtjes nga Kroacia, Shqipëria dhe Kosova nënshkruan një deklaratë për të forcuar bashkëpunimin mbrojtës.
Kjo deklaratë fton edhe vende të tjera dhe fokusohet në përgjigjet e përbashkëta ndaj sfidave të sigurisë dhe kërcënimeve hibride, duke promovuar gjithashtu integrimin euroatlantik.
Leave a Reply