Instituti Hidrometeorologjik i Kosovës (IHMK) ka raportuar se nga data 5 deri më 6 janar, në Kosovë ka rënë një mesatare prej 43 mm reshje për metër katror.
Kjo ka ndikuar në rritjen e niveleve të ujit në shumë lumenj të vendit, sidomos në ato të pjesës perëndimore dhe qendrore. Lumi Drini i Bardhë ka regjistruar sasinë më të lartë të reshjeve me 76.2 mm, ndërsa lumi Lepenc ka pasur 47.9 mm.
Përmbytjet lokale janë shkaktuar në disa segmente ku lumenjtë kanë dalë nga shtrati. Situata më e vështirë është tek Drini i Bardhë, Ereniku, Bistrica e Deçanit, Toplluha, Klina, Mirusha dhe Drenica, veçanërisht tek degët malore.
Në anën tjetër, lumenjtë në lindje dhe jug, si Ibri dhe Lepenci, kanë pësuar vetëm rritje të lehta të niveleve, pa sjellë probleme të rëndësishme.
Leave a Reply