Mot ekstrem në Evropë dhe Australi: Përmbytje, borë, e vapë

Pjesë të Australisë po përgatiten për kushte të rrezikshme zjarri, pasi valët e nxehtësisë pritet të përfshijnë vendin të premten.

Në çdo shtet dhe territor, përveç Queensland-it, janë lëshuar paralajmërime për valë nxehtësie që variojnë nga të forta deri në ekstreme, ndërsa temperaturat pritet të qëndrojnë të larta për disa ditë, raporton Telegrafi. Në Victoria, është shpallur ndalim i plotë i zjarreve për të premten, ndërsa niveli i rrezikut nga zjarri është vendosur në kategorinë “katastrofike”, më e larta e mundshme.

Si rezultat, rreth 450 shkolla dhe qendra për kujdesin e fëmijëve do të mbyllen për sigurinë e publikut. Një meteorolog ka deklaruar për BBC-në se kombinimi i këtyre kushteve mund të krijojë situata të ngjashme me ato të Zjarreve të Verës së Zezë, duke paralajmëruar për rreziqe të rëndësishme për pjesë të vendit.