Ish-deputeti Dardan Sejdiu ka bërë thirrje për largimin e partive opozitare nga situata që, sipas tij, është krijuar nga kryeministri në detyrë dhe kreu i LVV-së, Albin Kurti.
Sejdiu thekson se opozita duhet të ndërtojë një narrativë të re për t’u çliruar nga ky kurth, dhe kjo mund të realizohet edhe për tre muaj. Ai ka sugjeruar më parë që partitë opozitare të angazhohen në dialog me Kurtin për të gjetur një zgjidhje të përbashkët.
Sipas Sejdiut, gjatë vitit të kaluar, ai ka propozuar që opozita të bisedojë me Kurtin, duke propozuar Glauk Konjufcën si kryeministër dhe të gjejnë një president konsensual për vendin. Sejdiu vëren se Kurtit i është dhënë mundësia të paraqitet si i hapur për kompromis, ndërsa opozita ka mbetur në kurth, duke i çuar vendin drejt zgjedhjeve të parakohshme më 28 dhjetor.
Ai thekson rëndësinë e gjetjes së një kandidati presidencial që mund të përfaqësojë të gjithë qytetarët.
Leave a Reply