Drita pritet të përballet me KuPS në ndeshjen e parë historike për Ligën e Konferencës, e cila do të zhvillohet në Tampere të Finlandës, të enjten në orën 18:45.
Në një konferencë për media, futbollisti Almir Ajzeraj, bashkë me trajnerin, ndau emocionet para kësaj sfide të rëndësishme. Ai e cilësoi këtë ndeshje si historike për klubin dhe veten, duke theksuar se ekipi është përgatitur maksimalisht për këtë moment dhe synon të shfaqet sa më mirë në fushë.
Ajzeraj shprehu respekt për ekipin kundërshtar finlandez, por nënvizoi se Drita ka për synim të kthehet në Kosovë me një rezultat pozitiv. Ai theksoi se atmosfera brenda ekipit është e shkëlqyer dhe se ata janë të motivuar për të dhënë më të mirën.
Kjo ndeshje shënon një hap të rëndësishëm për Dritën në arenën ndërkombëtare, dhe pritshmëritë janë të larta për një paraqitje të suksesshme.
Leave a Reply