Pesë udhëheqës politikë të Grenlandës kanë dërguar një mesazh të fortë Presidentit të Shteteve të Bashkuara, Donald Trump, duke theksuar se nuk kanë dëshirë të bëhen pjesë e Amerikës, pavarësisht aspiratave të tij për të përvetësuar territorin e tyre gjysmë-autonom.
Në një deklaratë të përbashkët, udhëheqësit theksuan se qëllimi i tyre është të mbeten grenlandezë dhe se e ardhmja e vendit duhet të vendoset nga vetë populli i Groenlandës. Ata shprehën gjithashtu dëshirën që përbuzja e SHBA-së ndaj vendit të tyre të marrë fund.
Deklarata theksonte gjithashtu se Grenlanda ka rritur pjesëmarrjen e saj në skenën ndërkombëtare dhe se dialogu duhet të bazohet në diplomaci dhe parime ndërkombëtare. Një mbledhje e parlamentit do të mbahet për të siguruar një debat politik gjithëpërfshirës dhe për të mbrojtur të drejtat e popullit.
Kjo deklaratë erdhi pas komenteve të Presidentit Trump, i cili kishte shprehur interes për Grenlandën, duke deklaruar se do të ndërmarrë veprime për ishullin, pavarësisht kundërshtimeve. Këto deklarata kanë nxitur reagime të ashpra, veçanërisht nga vendet evropiane, të cilat paralajmërojnë për pasoja të mundshme në aleancën e NATO-s.
Leave a Reply