Sot, banorët e katër komunave, Gostivar, Mavrovë-Rostushë, Vrapçisht dhe Qendër Zhupë, po i drejtohen kutive të votimit për zgjedhjet e përsëritura të kryetarëve të komunave.
Këto zgjedhje po mbahen pasi në raundin e parë, më 19 tetor të vitit të kaluar, nuk u arrit pjesëmarrja e nevojshme prej 33,33% të votuesve të regjistruar. Sipas Kodit Zgjedhor, në këto zgjedhje nuk ka prag të daljes, por për të fituar, kandidatët duhet të sigurojnë më shumë se gjysmën e votave të hedhura.
Procesi i votimit nisi në orën 7:00 dhe do të përfundojë në orën 19:00. Numri total i votuesve të regjistruar është 128,286, përfshirë 82,870 në Gostivar, 27,279 në Vrapçisht, 10,575 në Mavrovë-Rostushë, dhe 7,562 në Qendër Zhupë.
Votimi kryhet me dokumente të vlefshme si letërnjoftim apo pasaportë, dhe identiteti verifikohet përmes pajisjeve biometrike. Një ditë më parë, votuan personat e sëmurë, të pafuqishëm dhe të burgosurit.
Nga 248 të sëmurë të regjistruar, 242 realizuan të drejtën e votës. Po ashtu, votuan 45 nga 94 të burgosur të regjistruar për votim.
Leave a Reply