Ukë Rugova, deputeti i ri i Lidhjes Demokratike të Kosovës (LDK), ka shprehur për herë të parë qëndrimin e tij pas përfundimit të zgjedhjeve të 28 dhjetorit.
Ai ka theksuar nderin që ndien për mundësinë që t’u shërbejë qytetarëve të Kosovës me përgjegjësi, me qëllim fuqizimin e shtetit dhe institucioneve vendase. Rugova është shprehur se përkrahja e 126,102 votuesve të LDK-së gjatë fushatës ka qenë një motivim i madh.
Ai ka falënderuar aktivistët dhe simpatizantët besnikë që kanë ndihmuar në përpjekjet për të rikthyer LDK-në si një forcë fituese, duke kujtuar trashëgiminë e presidentit të ndjerë, Ibrahim Rugova. Në përfundim, Rugova ka bërë thirrje për përgjegjësi dhe maturi politike nga të gjitha subjektet, duke theksuar nevojën për ndërtimin e shpejtë të institucioneve të Kosovës.
Ai ka shprehur angazhimin e tij të plotë për të tejkaluar sfidat e përditshme që ballafaqohen qytetarët, duke uruar që miqësia e Kosovës me Shtetet e Bashkuara dhe Bashkimin Evropian të vazhdojë të forcohet.
Leave a Reply