Më 11 janar 2026, rreth orës 01:00, policia ndërmori një operacion në një lokal ku dyshohej për zhvillim të lojërave të fatit në kundërshtim me ligjin.
Gjatë kontrollit, strukturat policore identifikuan 14 individë që dyshohej se ishin të përfshirë në veprimtarinë e jashtëligjshme. Sipas raportit zyrtar, u sekuestrua një tavolinë pokeri si dhe pajisje të tjera që shërbenin për organizimin e lojërave të fatit.
Pronari i lokalit u arrestua, ndërsa të pranishmit e tjerë u morën në pyetje si dëshmitarë. Me urdhër të prokurorit të rastit, ndaj të arrestuarit u ngrit një çështje penale për “Organizimin e skemave piramidale dhe bixhozit të paligjshëm.” Aktualisht, i dyshuari është në ndalim policor për të vijuar hetimet e mëtejshme.
Leave a Reply