Komisioni Qendror i Zgjedhjeve (KQZ) është në pritje të përfundimit të shqyrtimit të ankesave lidhur me procesin e numërimit në Qendrën e Numërimit dhe Rezultateve, si dhe fuqinë e vendimeve për t’i zbatuar ato, nëse është e nevojshme.
Sipas zëdhënësit të KQZ-së, Valmir Elezi, vetëm pasi të mbarojë ky proces, KQZ-ja do të shpallë rezultatet përfundimtare të zgjedhjeve. Elezi theksoi se certifikimi i rezultateve nuk e përfundon procesin zgjedhor, pasi partitë politike dhe kandidatët kanë të drejtë të ankohen ndaj rezultateve.
Fillimisht, ankesat mund të drejtohen në Panelin Zgjedhor për Ankesa dhe Parashtresa (PZAP) dhe më pas, nëse është e nevojshme, çështja mund të përfundojë në Gjykatën Supreme. KQZ-ja është e obliguar të respektojë dhe zbatojë vendimet e këtyre organeve para se të certifikojë rezultatet përfundimtare, duke garantuar kështu një proces të drejtë dhe transparent.
Leave a Reply