Kryeprokurorja e Prokurorisë Themelore në Pejë, Lumturije Vuçetaj, ka deklaruar se viti 2025 ka qenë një ndër më të suksesshmit për institucionin që ajo drejton.
Ajo ka prezantuar rezultatet e punës, duke e vlerësuar vitin si tejet sfidues, por edhe me arritje të rëndësishme për rajonin. Në një konferencë për shtyp, Vuçetaj ka theksuar se siguria e qytetarëve ka qenë prioriteti kryesor i institucionit.
Ajo ka vënë në dukje se përmirësimi i qetësisë publike dhe luftimi i krimit kërkon angazhim të qëndrueshëm dhe bashkëpunim të ngushtë me institucionet e rendit, sidomos me policinë. Një nga arritjet më të rëndësishme të vitit 2025, sipas saj, është fakti se për herë të parë pas 26 vjetësh, rajoni i Pejës nuk ka regjistruar asnjë rast vrasjeje.
Kjo arritje shënon një moment historik për sigurinë në këtë zonë.
Leave a Reply