Kryetari i Partisë Demokratike të Kosovës (PDK), Bedri Hamza, ka zhvilluar një takim me Ambasadorin William Walker, i njohur për mbështetjen e tij ndaj Kosovës.
Kjo ngjarje u zhvillua në kuadër të aktiviteteve përkujtimore për viktimat e Masakrës së Reçakut. Gjatë takimit, Hamza vlerësoi rolin vendimtar të Ambasadorit Walker në janar të vitit 1999, kur ai guximshëm bëri publik krimin serb në Reçak, duke kontribuar që kjo ngjarje të mos mbetej e heshtur.
Ai theksoi se Walker çdo vit qëndron pranë popullit të Kosovës, duke riafirmuar miqësinë dhe përkushtimin e tij ndaj vendit. Hamza shprehu mirënjohjen e thellë ndaj Walker për ndihmën e tij të jashtëzakonshme dhe për gjithçka që ka bërë për Kosovën, duke e cilësuar atë si një mik të vërtetë të vendit.
Leave a Reply