Ministri i Mbrojtjes në detyrë, Ejup Maqedonci, priti në një takim në Prishtinë Admiral George M.
Wikoff, Komandantin e Komandës së Forcave të Përbashkëta Aleate në Napoli, dhe Gjeneralmajor Özkan Ulutaş, Komandantin e KFOR-it. Ky takim kishte në fokus diskutimet mbi situatën e sigurisë në Kosovë dhe rajon, si dhe zhvillimet në Forcën e Sigurisë së Kosovës (FSK) dhe bashkëpunimin e saj me KFOR-in.
Gjatë bisedimeve, Maqedonci theksoi rëndësinë e rritjes së kapaciteteve të FSK-së përmes edukimit të oficerëve në përputhje me doktrinat perëndimore. Ai gjithashtu nënvizoi nevojën për modernizimin e FSK-së me pajisje ushtarake të marra nga vendet anëtare të NATO-s, duke pasur si qëllim përmirësimin e sigurisë së qytetarëve dhe aspiratën për anëtarësim në NATO.
Maqedonci ndau këto informacione në një postim në rrjetin social “Facebook”.
Leave a Reply