Ministrja e MINT, Rozeta Hajdari, pas përballjes në gjykatë lidhur me skandalin e Rezervave Shtetërore, për të cilin është ngritur një aktakuzë, ka deklaruar se e konsideron veten tërësisht të pafajshme.
Ajo akuzon Prokurorinë për një proces të njëanshëm dhe në kundërshtim me ligjin. Në një deklaratë për mediat, Hajdari theksoi se ky proces ka shkelur procedurat ligjore dhe bie ndesh me legjislacionin që rregullon rezervat shtetërore dhe mbrojtjen e informacionit të klasifikuar.
Sipas saj, aktakuza është e pabazuar dhe e padrejtë. Ministrja shprehu zhgënjimin e saj, duke nënvizuar se i gjithë procesi është i ndikuar politikisht dhe synon të dëmtojë reputacionin e saj.
Megjithatë, ajo mbetet e bindur në pafajësinë e saj dhe dëshiron që e vërteta të dalë në dritë gjatë zhvillimeve të mëtejshme gjyqësore.
Leave a Reply